രചന: പ്രജിത്ത് സുരേന്ദ്രബാബു)
“പൊന്ന് മോനെ.. നോക്കി വെള്ളമിറക്കാനെ പറ്റുള്ളൂ.. ഞാൻ സമ്മതിക്കത്തില്ല കേട്ടോ…. ഈ ആഗ്രഹം ഒക്കെ ഒരു മിന്ന് എന്റെ കഴുത്തിൽ കെട്ടിയേച്ചു മതി ”
ക്ലാര സാരി തുമ്പ് എടുത്ത് കഴുത്തിലൂടെ ചുറ്റി. അതോടെ ഏറെ നിരാശയിലായ ജോയലിന്റെ നോട്ടം അവളുടെ മാറിടത്തിൽ നിന്നും വയറിലേക്ക് പതിച്ചു.
” ഉമ്മറം പൂട്ടിയെങ്കിൽ എന്താ.. കിളി വാതിൽ തുറന്ന് തന്നെ കിടക്കുവല്ലേ ”
ആ കമന്റ് കേൾക്കെയാണ് അവന്റെ നോട്ടം എവിടേക്കാണ് എന്നുള്ളത് അവൾ ശ്രദ്ധിച്ചത്.. അല്പം നീരസത്തോടെ അവന്റെ മുന്നിൽ നിന്നും ചാടിയെഴുന്നേറ്റു അവൾ.
” ദേ ജോയലെ .. ഇച്ചിരി കൂടുന്നുണ്ട് കേട്ടോ.. ഇതിനാണോ നീ എന്നോട് സാരി ഉടുത്തു വരാൻ പറഞ്ഞത്… നിനക്ക്‌ എന്നോട് ആത്മാർഥ പ്രേമം തന്നെയാണോ അതോ വെറും സെ ക്സിന് വേണ്ടിയുള്ള അഭിനയമാണോ ഇതൊക്കെ ”
ആ ചോദ്യം കേൾക്കെ അവൻ ഒന്ന് ചൂളി പോയി. എന്താ ക്ലാര നീ ഈ പറയുന്നേ.. എന്റെ സ്നേഹത്തെ നീ അങ്ങിനെയാണോ കാണുന്നെ നീ എന്റേതല്ലേ.. അതുകൊണ്ടല്ലേ ഞാൻ അല്പം ഓപ്പൺ ആകുന്നത്
” ഞാൻ നിന്റേത് തന്നെയാണ്. അത് ഓക്കേ പക്ഷേ ഓപ്പൺ ആകുന്നതൊക്കെ കെട്ട് കഴിഞ്ഞേച്ചു മതി.. ”
അത്രയും പറഞ്ഞു ജോയലിന്റെ മുന്നിൽ നിന്നും നടന്നകന്നു ക്ലാര. ആ പോക്ക് കൊതിയോടെ തന്നെ ജോസ് നോക്കി നിൽക്കെ അവന്റെ സുഹൃത്ത് അനൂപ് പതിയെ അരികിലേക്ക് ചെന്നു.
” അവള് കിടന്ന് വഴുതുവാ അല്ലേ അളിയാ..”തന്റെ ചുമലിലേക്ക് കൈ വച്ച അനൂപിനെ ഒന്ന് നോക്കി ജോയൽ ശേഷം പോക്കെറ്റിൽ നിന്നും ഒരു സിഗരറ്റ് പാക്കറ്റ് കയ്യിൽ എടുത്ത് അതിൽ നിന്നും ഒരു സിഗരറ്റ് ചുണ്ടിൽ വച്ച് കത്തിച്ചു. ഒരു പുകയൂതുമ്പോൾ ഉള്ളൊന്ന് തണുത്തത് പോലെ തോന്നി അവന്
” അവള് വഴുതട്ടെ ടാ.. എവിടം വരെ പോകും ന്ന് നോക്കാലോ.. ഏത് അറ്റം അവരെ അവള് പോയാലും ഒരു അവസരം കിട്ടുമ്പോൾ ചേർത്ത് നിർത്തി ഒരു പിടുത്തം പിടിച്ചാൽ ഉണ്ടല്ലോ..
പെരുവിരലിൽ നിന്ന് തുള്ളും ഇവളൊക്കെ.. പിന്നെ അങ്ങട് വിളിക്കേണ്ട ഇങ്ങട് സ്വയം തിരക്കിപ്പിടിച്ചു വന്നോളും നമ്മളിത് എത്ര കണ്ടേക്കുന്നു…. ”
ആ കമന്റ് കേട്ട് പൊട്ടിച്ചിരിച്ചു അനൂപ്.” ഈ കാര്യത്തിൽ അളിയന്റെ അത്രേം എക്സ്പീരിയൻസ് എനിക്കില്ല കേട്ടോ.. അളിൻ ഈ കാര്യത്തിൽ പുലിയല്ലേ ”
ജോയലിനെ ഒന്ന് പുകഴ്ത്താനും മറന്നില്ല അവൻ
” ഈ കോളേജിൽ ഞാൻ ഇതുവരെ പ്രേമിച്ച ഒൻപതെണ്ണത്തിന്റെയും ന്യൂഡ് വീഡിയോസ് എന്റെ ഫോണിൽ ഉണ്ടെങ്കിൽ അനൂപേ നീ ബെറ്റ് വെച്ചോ പത്താമതായി ഇവളുടെ വീഡിയോയും വൈകാതെ ഉണ്ടാകും. ”
വല്ലാത്തൊരു ആത്മവിശ്വാസം ഉണ്ടായിരുന്നു ജോയലിന്റെ ശബ്ദത്തിൽ.
” അതറിയാം അളിയാ. പക്ഷേ ഇവൾ ഇച്ചിരി മുറ്റാണെന്ന് തോന്നുന്നു കാര്യം നടത്തിയെടുക്കാൻ നീ ഇച്ചിരി വിയർക്കേണ്ടി വരും ”
അനൂപിന്റെ ആ കമന്റ് അല്പം ക്ഷീണമായി ജോയലിനു. കാരണം സുഹൃത്തുക്കളുടെ മുന്നിൽ അവനുള്ളത്‌ വിചാരിക്കുന്നതെന്തും വേഗത്തിൽ നടത്തിയെടുക്കുന്ന ഒരു ചോക്ലേറ് ഹീറോ ഇമേജ് ആയിരുന്നു.
ഓരോ പെൺകുട്ടികളുമായും പോകുമ്പോൾ കൂട്ടുകാർ അസൂയയോടെ തന്നെ നോക്കുന്നത് പലവട്ടം അവൻ കണ്ടിട്ടുള്ളതാണ്. അതുകൊണ്ട് തന്നെ ക്ലാരയുടെകാര്യത്തിൽ അല്പം വാശിയായി അവന് .
” അനൂപേ നീ നോക്കിക്കോ ഇന്ന് രാത്രിയിലത്തെ വീഡിയോ കോളിൽ കാര്യം നടത്തിയിരിക്കും ഞാൻ. നാളെ രാവിലെ ഞാൻ ഈ കോളേജിൽ വരുമ്പോൾ ക്ലാരയുടെ ന്യൂഡ് വീഡിയോ എന്റെ ഫോണിൽ ഉണ്ടാകും ഇത് ജോയലിന്റെ വാക്കാണ്. ”
ജോയലിനു വാശി കേറിയപ്പോൾ താൻ ഉദ്ദേശിച്ചത് നടന്ന സന്തോഷത്തിൽ ഉള്ളുകൊണ്ട് ചിരിച്ചു അനൂപ്.
കാരണം അല്പം പൊങ്ങച്ചക്കാരനായ ജോയൽ ഇതുവരെയുള്ള അവന്റെ ഒൻപത് കാമുകി മാരുടെയും ന്യൂഡ് വീഡിയോസ് ബെസ്റ്റ് ഫ്രണ്ടായ അനൂപിനും കാണിച്ച് കൊടുത്തിരുന്നു.
ക്ലാരയുമായി ജോയൽ ഇഷ്ടത്തിലായി എന്ന് അറിഞ്ഞത് മുതൽ ഏറെ ആവേശത്തിലാണ് അനൂപ് അവളുടെ വീഡിയോ കൂടി കാണുവാനായി.പതിയെ അവർ അവിടെ നിന്നും നടന്നു.
” അളിയാ.. ഒരു കാര്യം ഇപ്പോഴാ ഓർത്തെ.. ആ മഞ്ജിമയുടെ വീഡിയോ ഒന്നൂടൊന്ന് കാണിച്ചു തരോ…. അന്ന് കണ്ടത് അത്ര വ്യക്തമായില്ല.. ”
കിട്ടിയ അവസരം മുതലാക്കാൻ മറന്നില്ല അനൂപ്. ക്ലാരാ.. അവന് നിന്നോട് സത്യത്തിൽ ഇഷ്ടം ഉണ്ടോ.. ആ ജോയലിനു .. അവന്റെ മട്ടും മാതിരിയുമൊക്കെ കാണുമ്പോൾ ആവശ്യം മറ്റെന്തോ ആണെന്ന് തോന്നുന്നു.”
കൂട്ടുകാരി നീനുവിന്റെ ചോദ്യം കേട്ട് പുഞ്ചിരിച്ചു ക്ലാര അവനൊരു ചോരയും നീരുമുള്ള ചെറുക്കനല്ലേ നീനു… അപ്പോ പിന്നെ ഇങ്ങനൊക്കെ ഉണ്ടാകില്ലേ.. ”
ആ മറുപടി ബോധിച്ചത് കൊണ്ടാകണം നീനുവും പൊട്ടിച്ചിരിച്ചു പോയി.
അത് കണ്ട് ക്ലാരയും ചിരിച്ചു
രാത്രിയിലെ പതിവ് വീഡിയോ കോളിൽ വീണ്ടും ഒരു ശ്രമം കൂടി നടത്തി ജോയൽ
” ക്ലാര…പ്ലീസ് നീ ഇട്ടേക്കുന്ന ആ ടീ ഷർട്ട്‌ മാത്രം ഒന്ന് ഊരിയാൽ മതി കാണാൻ കൊതി കൊണ്ടല്ലേ.. ”
” വേണ്ടന്നെ.. ഞാൻ മുന്നേ പറഞ്ഞിട്ടുണ്ട് ഇമ്മാതിരി ആവശ്യവുമായി എന്റടുത്തേക്ക് വന്നേക്കരുത് ന്ന് ”
കർക്കശമായി തന്നെ നിന്നു ക്ലാര അതോടെ അടവ് ഒന്ന് മാറ്റാൻ ശ്രമിച്ചു അവൻ.
” എന്നായാലും ഇതൊക്കെ കാണേണ്ട ആളല്ലേ ഞാൻ പിന്നെന്താ ക്ലാരാ.. എന്നോട് ഇച്ചിരിയേലും ഇഷ്ടം ഉണ്ടേൽ ചെയ്യ്.. ”
പക്ഷെ ആ ശ്രമവും പരാജയമായിരുന്നു വേണ്ട ജോയലെ അതൊക്കെ കെട്ട് കഴിഞ്ഞേച്ച് മതി കെട്ടിന് മുന്നേ എന്റെ ശരീരം നിന്നെ എന്നല്ല ആരെയും കാണിക്കില്ല ഞാൻ… ഇതൊഴികെ വേറെന്ത് നീ പറഞ്ഞാലും ഞാൻ കേൾക്കാം. ”
വല്ലാത്ത നിരാശ തോന്നിയെങ്കിലും ആ വാക്കുകൾ അവനിൽ മറ്റൊരു പ്രതീക്ഷ ഉണർത്തി.
” അപ്പോ ഞാൻ വേറെന്ത് പറഞ്ഞാലും നീ അനുസരിക്കോ “ആ ചോദ്യത്തിന് പിന്നിൽ ഒളിഞ്ഞിരുന്ന ദ്വയാർത്ഥം മനസിലാക്കാതിരുന്നില്ല ക്ലാര.
“മ്… അനുസരിക്കാം.. “മറുപടി പറയുമ്പോൾ അവളൊന്നു ചിരിച്ചു. ആരെയും മയക്കാൻ കെൽപ്പുള്ള പുഞ്ചിരി. അല്പം ബിയർ കഴിച്ചതിന്റെ ലഹരി ഉള്ളിലുണ്ടായിരുന്നതിനാൽ തന്നെ ആ ചിരിയിൽ വീണു ജോയൽ. പതിയെ അവൻ തന്റെ ആ ആഗ്രഹം പറഞ്ഞു.
” അതേ നിനക്ക്‌ കാണിക്കാനല്ലേ പ്രശ്നമുള്ളൂ.. ഞാൻ കാട്ടുന്നത് കണ്ടിരിക്കാമല്ലോ.. ”
അല്പം അറച്ചറച്ചാണ് ചോദിച്ചതെങ്കിലും ആ ചോദ്യം കേട്ടപാടെ ക്ലാര നാണത്താൽ മുഖം താഴ്ത്തിയപ്പോൾ വല്ലാത്ത ആവേശമായി അവന്..
” ഓക്കേ ആണോ.. പറയ്.. “അതോടെ ക്ഷമ നശിച്ചിരുന്നു ജോയലിനു.
“മ്…. മോൻ കൊള്ളാലോ ആള്.. എനിക്കറിയാരുന്നു നീ ഇത് തന്നെ ചോദിക്കുമെന്ന്.. ശെരി സമ്മതം.”
വഷളൻ ചിരിയോടെ അവൾ മറുപടി നൽകുമ്പോൾ പിന്നെ ഒട്ടും അമാന്തിച്ചില്ല ജോയൽ .
ധരിച്ചിരുന്ന ടീ ഷർട്ട്‌ ഊരി ബെഡിലേക്കിട്ട് പാതി കുടിച്ച് വച്ചിരുന്ന ബിയർ ബോട്ടിൽ എടുത്ത് ഒറ്റ വലിക്ക് കുറെയങ്ങ് ആകത്താക്കി വല്ലാത്ത ആക്രാന്തത്തോടെ ഫോണുമായി നേരെ ബാത്റൂമിലേക്ക് കയറി.
‘ ഒന്ന് മൂഡ് ആയാൽ പിന്നെ അവൾ തന്റെ വരുതിക്ക് വന്നോളും ‘
അവന്റെ മനസ്സിലെ കണക്ക് കൂട്ടൽ അതായിരുന്നു.
അന്നത്തെ ദിവസം അങ്ങിനെ ആവേശത്തിൽ കെട്ടടങ്ങി.
പിറ്റേന്ന് രാവിലെ ജോയലിനായി കോളേജ് ഗേറ്റിന് മുന്നിൽ കാത്തു നിന്നു അനൂപ്. തലേന്ന് അവൻ പറഞ്ഞ വാക്കുകൾ മനസിലോർക്കവേ നേരെ ഒന്ന് ഉറങ്ങാൻ പോലും പറ്റിയില്ല അനൂപിന് .
‘ക്ലാരെ.. പൊന്ന് മോളെ.. ഇന്ന് കാണും നിന്റെ എല്ലാം.. എത്ര നാളത്തെ ആഗ്രഹം ആണ്.. നിന്റെ വീഡിയോ മാത്രം എങ്ങിനേലും അവന്റേന്ന് അടിച്ചു മാറ്റും ഞാൻ.. എന്നിട്ട് അത് വച്ച് നിന്നെ എന്റെ വലയിൽ വീഴ്ത്തും..’
ഓർക്കുമ്പോൾ തന്നെ കുളിരു കോരി അനൂപിന്. എന്നാൽ പതിവ് സമയമായിട്ടും ജോയലിനെ കാണാത്തതോടെ അവന്റെ ക്ഷമ നശിച്ചു തുടങ്ങിയിരുന്നു.
എന്നാൽ പതിവിലും വിപരീതമായി കോളേജിലേക്കെത്തിയ ക്ലാര അനൂപിനെ നോക്കി ഒന്ന് പുഞ്ചിരിച്ചു. ആരെയും മയക്കുന്ന പുഞ്ചിരി. അത് കണ്ട അനൂപ് കോരിത്തരിച്ചു പോയി
‘ ഇവളെന്തിനാ ഇന്ന് പതിവില്ലാതെ എന്നെ നോക്കി ചിരിക്കുന്നേ.. ഇനി ഇന്നലത്തെ തകർപ്പിനിടയിൽ എന്റെ ആശയെ പറ്റിയും ജോയൽ പറഞ്ഞിട്ടുണ്ടാകുമോ.. അങ്ങിനെയെങ്കിൽ അവളുടെ സമ്മതമാണോ ഈ പുഞ്ചിരി’
മനസ്സിലൂടെ ഓടി മറഞ്ഞ ചിന്തകൾ അവനെ കൂടുതൽ ആവേശഭരിതനാക്കി.
‘ദൈവമേ.. എനിക്കും സെറ്റ് ആയോ..’ആവേശം കെട്ടടങ്ങാതെ തന്നെ അവളെ നോക്കി വെളുക്കെ ചിരിച്ചു അനൂപ്. അത് കണ്ടിട്ട് അല്പം നാണത്തോടെ ക്ലാര നടന്നകന്നു. അപ്പോഴേലും അകലെ നിന്നും തന്റെ ബുള്ളറ്റിൽ പാഞ്ഞെത്തി ജോയൽ.
” അളിയാ.. നിന്നെ കാത്ത് നിൽക്കുവായിരുന്നു ഞാൻ. എന്തായി ഇന്നലെ.. വീഡിയോ കിട്ടിയോ ക്ലാരയുടെ.. ”
ആവേശമടക്കുവാൻ കഴിയാതെ ഓടി അവനരികിലേക്കെത്തി അനൂപ്. എന്നാൽ ജോയൽ മൗനമായി നിന്നു. അവന്റെ മുഖഭാവം കണ്ടിട്ട് എന്തോ പന്തികേട് മണത്തു അനൂപിന്.
” എന്ത് പറ്റി അളിയാ എന്താണ് നിനക്ക്‌ ഒരു മ്ലാനത. എന്തേലും പ്രശ്നമുണ്ടോ.. അവള് സമ്മതിച്ചില്ലേ.. ഇന്നലെ ”
സംശയത്തോടെ തന്നെ നോക്കി നിൽക്കുന്ന അനൂപിനെ അവഗണിച്ചു അല്പം മുന്നിലേക്ക് നടന്നു ജോയൽ. എന്നാൽ അനൂപ് വിടാൻ തയ്യാറല്ലായിരുന്നു.
” അളിയാ.. എന്തായാലും എന്നോട് പറയ് നീ..നമ്മൾ എല്ലാം ഷെയർ ചെയ്യുന്നതല്ലേ ”
അവൻ വിടില്ല എന്ന് മനസ്സിലായതോടെ ഗത്യന്തരമില്ലാതെ തിരിഞ്ഞു ജോയൽ.
” കൊടുത്താൽ കൊല്ലത്തും കിട്ടും ന്ന് ഒരു ചൊല്ലില്ലേ.. എനിക്കിപ്പോ കിട്ടി നല്ല എട്ടിന്റെ പണി ഒരെണ്ണം…
പ്രേമിച്ച എല്ലാത്തിന്റേം ന്യൂഡ് വീഡിയോ കാൾ റെക്കോർസ് ചെയ്ത് അത് വച്ച് ബ്ലാക് മെയിൽ ചെയ്ത് സെ ക്സ് ഷെയർ ചെയ്തിരുന്നതാ ഞാൻ ആ എനിക്ക് ഇപ്പോൾ അതേ നാണയത്തിൽ തിരിച്ചു പണി കിട്ടി.. അവള് ആ ക്ലാര.. അവള് വിളഞ്ഞ വിത്താ ടാ.. ”
കേട്ടതൊന്നും വ്യക്തമായില്ലെങ്കിലും ക്ലാര ജോയലിനിട്ട് എന്തോ പണി കൊടുത്തിട്ടുണ്ട് ന്ന് മനസിലാക്കി അനൂപ്.
” ടാ വ്യക്തമായി പറയ് നീ.. അവൾ എന്ത് പണിയാ തന്നെ നിനക്ക്‌ ”
കാര്യമറിയാതെ അനൂപ് അസ്വസ്ഥാനായി.
” എടാ ഇന്നലെ രണ്ട് ബിയർ അടിച്ച് മൂഡ് ആയാ അവളെ വീഡിയോ കാൾ ചെയ്തേ.. അവള് ഒന്നിനും റെഡിയല്ലായിരുന്നു.. പക്ഷെ കഷ്ടകാലത്തിനു എനിക്ക് നല്ല മൂഡ് ആയിരുന്നു. മാത്രമല്ല അവള് പ്ലാൻ ചെയ്ത് എന്നെ മൂപ്പിച്ചു..
ഒടുക്കം അവളെ കാഴ്ചക്കാരി ആക്കി ഞാൻ അങ്ങ് അറുമാദിച്ചു. പക്ഷെ ഞാൻ കാട്ടിക്കൂട്ടിയതൊക്കെ അവൾ റെക്കോഡ് ചെയ്ത കാര്യം ഇന്ന് രാവിലെ ആണ് ഞാൻ അറിഞ്ഞേ..
രാവിലെ വാട്ട്സാപ്പിൽ അവൾ ആ വീഡിയോ ഇട്ടേക്കുന്നു. ഇന്ന് പത്തുമണിക്കകം പതിനായിരം രൂപ അവളുടെ അക്കൗണ്ടിൽ ഇട്ടില്ലെങ്കിൽ ഈ വീഡിയോ ലീക്ക് ആക്കുമെന്ന്.”
ആ മറുപടി കേട്ട് നടുങ്ങി പോയി അനൂപ്.മൂ.. #&.”അറിയാതെ അവന്റെ ചുണ്ടുകൾ ചലിച്ചു.
” അതേ ടാ ഞാൻ മൂ %@.. അതാ സത്യം.. അവള് എനിക്കിട്ട് എട്ടിന്റെ പണിയാ തന്നേക്കുന്നെ പതിനായിരം രൂപ കൊടുക്കാം അതിൽ പ്രശ്നം ഇല്ല പക്ഷെ പതിനായിരത്തിൽ മാത്രമായി ഒതുങ്ങും എന്ന് എന്താ ഉറപ്പ്.
അതാ എന്റെ പേടി ആ വീഡിയോ എങ്ങാനും ലീക്ക് ആയാൽ പിന്നെ ഈ ക്യാമ്പസ്സിൽ കേറാൻ പറ്റില്ല എനിക്ക്. ”
ആകെ ധർമ്മ സങ്കടത്തിലായി പോയി ജോയൽ. എന്ത് മറുപടി പറയണം ന്ന് അറിയാതെ അനൂപും കുഴഞ്ഞു.
‘ദൈവമേ ഇവനിട്ട് പണിഞ്ഞിട്ട് ആണോ ഇച്ചിരി മുന്നേ അടുത്തതായി അവൾ എന്നെ നോട്ടമിട്ടത്.’
ആകെ വിറളി വെളുത്തു പോയി അവൻ.താൻ കുഴിച്ച കുഴിയിൽ താൻ തന്നെ.. എന്തോരം പെൺപിള്ളേര് ഇവന്റെ ശല്യം കാരണം ഇതുപോലെ ഉള്ളു പെടഞ്ഞിട്ടുണ്ടാകും അവരുടെ ശാപം ആകും ഈ പണി ‘
അറിയാതെ മനസ്സിൽ ഓർത്തു അനൂപ്. ദൈവമേ.. ഇവന്റൊപ്പം കൂടിയേന് ഇനി എനിക്കിട്ടുള്ള പണി എന്താണോ എന്തോ.. ഞാൻ ഇനി തെറ്റൊന്നും ചെയ്യില്ലേ.. ‘
അറിയാതെ പ്രാർത്ഥിച്ചു പോയി അവൻ.കോളേജിലെത്തിയ ക്ലാര നേരെ പോയത് ക്യാന്റീനിനു പിന്നിലേക്ക് ആ ആളൊഴിഞ്ഞ ബിൽഡിങ്ങിലേക്ക് ആണ്. അവിടെ അവളെ കാത്ത് ഒരാള് നിന്നിരുന്നു.
” നീ മിടുക്കിയാ.. ഇതാ നീ പറഞ്ഞ ഇരുപതിനായിരം രൂപ.. ഇനി ആ വീഡിയോ എനിക്ക് സെന്റ് ചെയ്യ് ”
തനിക്ക് നേരെ നീണ്ടു വന്ന ക്യാഷ് കയ്യിലേക്ക് വാങ്ങി ക്ലാര. അവളുടെ മുഖം വിടർന്നു. ശേഷം ഒരു പെൻഡ്രൈവ് തിരികെ നീട്ടി
” ദേ.. മഞ്ജിമ.. നീ പറഞ്ഞപോലെ ജോയലിന്റെ ഫുൾ ന്യൂഡ് വീഡിയോ.. ഇതിൽ അവന്റെ കുത്തിക്കഴപ്പ് മുഴുവൻ ഉണ്ട്. ”
ആ പെൻഡ്രൈവ് കയ്യിലേക്ക് വാങ്ങുമ്പോൾ മഞ്ജിമയുടെ മിഴികൾ തിളങ്ങി.
” അങ്ങിനെ ഒടുക്കം അവനിട്ടുള്ള മുട്ടൻ പണി ഒരെണ്ണം റെഡിയായി.. എന്റെ ഒരു ന്യൂഡ് വീഡിയോ കാട്ടി ബ്ളാക്ക് മെയിൽ ചെയ്ത് എന്നെക്കൊണ്ട് വീണ്ടും വീണ്ടും എന്തൊക്കെയോ ചെയ്യിപ്പിച്ചു അവൻ പേടിച്ചിട്ട് അവൻ പറഞ്ഞതെല്ലാം ചെയ്തു ഞാൻ…
ഇനി അത് വേണ്ട ഇനി കളി ഞാൻ കളിക്കും.. എന്റെ താളത്തിനു തുള്ളും അവൻ.. അല്ലേൽ തുള്ളിക്കും ”
പെൻഡ്രൈവ് ഉയർത്തിക്കൊണ്ട് മഞ്ജിമ പറയുമ്പോൾ ക്ലാര ശ്രദ്ധിച്ചു ആ മിഴികളിലെ കനൽ
” ഞാൻ ഒരു പതിനായിരം രൂപ ചോദിച്ചിട്ടുണ്ട് അവനോട്.. ഇന്ന് പത്ത് മണിക്ക് തരാമെന്നും പറഞ്ഞിട്ടുണ്ട്.. അത് കൂടി ഞാൻ എടുത്തോട്ടെ ”
സംശയത്തോടെ ക്ലാര മഞ്ജിമയുടെ മുഖത്തേക്കു നോക്കി.
എടുത്തോ.. അതൊക്കെ നിന്റെ ബോണസ് ആണ്.. എനിക്ക് ഈ വീഡിയോ മാത്രം മതി ഇതുവച്ച് ഞാൻ കളിച്ചോളാം.. നിനക്ക്‌ എന്തേലും കളി കളിക്കാൻ പ്ലാൻ ഉണ്ടേൽ നീയും കളിച്ചോ..
പൂത്ത കാശാണ് ആ നാറിയുടെ അച്ഛന്റെ കയ്യിൽ ആ കാശിന്റെ നെഗളിപ്പിൽ ആണ് അവൻ ഈ കോളേജ് ഭരിച്ചു നടക്കുന്നതും.. ഊറ്റാൻ ഉള്ളത് മാക്സിമം ഊറ്റിക്കോ “.
അത്രയും പറഞ്ഞു കൊണ്ട് മഞ്ജിമ പതിയെ പുറത്തേക്ക് നടന്നു. തനിക്കിട്ട് പണി തന്നവനെ തിരഞ്ഞു പിടിച്ചു തിരികെ പണി കൊടുക്കുവാനായി.. അത് കണ്ടു നിന്ന ക്ലാരയാകട്ടെ അടുത്ത പ്ലാനിങ് തുടങ്ങി….