അന്ന്, ലൈംഗീകമായി ബന്ധപ്പെടാൻ കിട്ടിയത് ഒരു നാഗാലാന്റുകാരിയെ ആയിരുന്നു. പേര് യെപ്തോമി. എല്ലാം കഴിഞ്ഞ് പോകുമ്പോൾ അവൾ തന്റെ കൈകൾ വേദന കൊണ്ട് കുടയുന്നുണ്ടായിരുന്നു. അരുതെന്ന് പറഞ്ഞിട്ടും ഞാൻ കെട്ടിയിട്ടായിരുന്നുവല്ലോ ഭോഗിച്ചത്. ഇത്തിരി നേരം ഉറങ്ങിയതിന് ശേഷം പോയിക്കോളാമെന്ന് അവൾ കെഞ്ചിയതാണ്. ഞാൻ സമ്മതിച്ചില്ല. ഒരു പെണ്ണിന്റെ കൂടെ ഉറങ്ങുന്നതിനെ കുറിച്ച് എനിക്ക് ചിന്തിക്കാൻ പോലും പറ്റുമായിരുന്നില്ല.
ബാംഗ്ലൂർ ജീവിതമാണ്. അച്ഛനും അമ്മയും സുഖമായി നാട്ടിൽ കഴിയുന്നുണ്ട്. വിവാഹം കഴിക്കാനൊക്കെ അമ്മ നിർബന്ധിക്കുന്നുണ്ടെങ്കിലും ഞാൻ വഴങ്ങാറില്ല. അതുകൊണ്ട് തന്നെ അങ്ങോട്ടേക്ക് ഈയിടെയായി പോകാറുമില്ല. ഒരു പെണ്ണ് വേണമെന്ന് തോന്നിയാൽ എത്ര യെപ്തോമിമാരെ വേണമെങ്കിലും ഇവിടെ കിട്ടും. പറയുന്ന പണം കൊടുക്കുന്നത് കൊണ്ട് എന്തും സഹിക്കുകയും ചെയ്യും. പിന്നെയെന്തിനാണ് ഒരു കല്ല്യാണം!
‘പ്രായം മുപ്പത് കഴിഞ്ഞു. ഇനിയെപ്പോഴാന്നാ…’
കേട്ട് മടുത്തു. അമ്മയാണ് എപ്പോഴുമത് പറയുക. അച്ഛനോടുള്ള എന്റെ സംസാരം വളരേ കുറവായിരുന്നു. അതിന്റെ കാരണം പറയാതെ തന്നെ അച്ഛന് വ്യക്തമായി അറിയാം. എല്ലാം അറിയുന്ന രണ്ടുപേർ കൂടിയുണ്ട്. അഞ്ചാറ് വർഷം മുമ്പ് മരിച്ചുപോയ അച്ഛന്റെ സഹോദരിയും, അവരുടെ മകൾ മാളുവും.
വ്യക്തമാക്കാം. പതിമൂന്ന് വയസ്സുള്ളപ്പോൾ മൂത്തമ്മയുടെ വീട്ടിൽ താമസിക്കാൻ പോയയൊരു ഓർമ്മയുണ്ട്. അവരുടെ കോളേജിൽ പഠിക്കുന്ന മകൾ മാളുവിന്റെ കൂടെയാണ് അന്ന് ഞാൻ കിടന്നിരുന്നത്. അവധിക്കാലത്ത് വരുമ്പോഴൊക്കെ ഞങ്ങൾ ഒരുമിച്ചായിരുന്നു ഉറങ്ങാറുള്ളത്.
എന്നാൽ, ആ ദിവസം എപ്പോഴും പോലെയായിരുന്നില്ല. ഉറക്കത്തിൽ എന്റെ അരയിലൊരു കൈ ഇഴയുന്നത് ഞാൻ അറിഞ്ഞു. ഒരു സുഖമൊക്കെ തോന്നിയത് കൊണ്ട് ആയിരിക്കണം എനിക്കന്ന് അനങ്ങാതെ കിടക്കാൻ തോന്നിയത്. ട്രൗസറിനുള്ളിലേക്ക് കൈ പോയപ്പോൾ ഞാൻ പിടഞ്ഞു പോയി. മിണ്ടല്ലേയെന്ന് പറഞ്ഞ് മാളു എന്റെ വായ പൊത്തുകയായിരുന്നു. ശരീര ഭാഗങ്ങളിൽ എന്താണ് സംഭവിക്കുന്നതെന്ന് അറിയില്ലെങ്കിലും ഞാൻ പൂർണ്ണമായും വഴങ്ങി.
പിറ്റേന്നാൾ ആരാരും ഇല്ലാത്തയൊരു തക്കത്തിൽ മാളു എന്നെ മുറിയിലേക്ക് കൊണ്ടുപോയി കതകടച്ചു. താൻ ഒരു സൂത്രം കാട്ടിത്തരാമെന്ന് പറഞ്ഞ് എന്റെ കൈകൾ രണ്ടും കട്ടിലിന്റെ തലയിൽ അവൾ കെട്ടിയിടുകയായിരുന്നു. ഞാനത് തീരേ പ്രതീക്ഷിച്ചിരുന്നില്ല. ഒരു ഘട്ടം കഴിഞ്ഞ് മതിയെന്ന് പറഞ്ഞിട്ടും അവൾ കേട്ടില്ല. ഒടുവിൽ കെട്ടഴിച്ച് ഒരു അടിമയെ പോലെ പലതും എന്നെ കൊണ്ട് അനുസരിപ്പിച്ചു. അറപ്പോടെയാണ് അതെല്ലാം എനിക്കന്ന് ചെയ്യേണ്ടി വന്നത്…
മൂത്തമ്മ വന്നതിന് ശേഷം എന്നെ കൊണ്ടുപോകാനായി അച്ഛനെ ഞാൻ വിളിച്ച് വരുത്തുകയായിരുന്നു. തിരിച്ച് പോക്കിൽ എന്ത്‌ പറ്റിയെന്ന് അച്ഛൻ ആവർത്തിച്ച് ചോദിച്ചിരുന്നു. ഞാൻ മിണ്ടിയില്ല. ഒടുവിൽ എനിക്ക് എല്ലാം പറയേണ്ടി വന്നു. കേട്ടതും അച്ഛൻ വണ്ടി തിരിക്കുകയും ചെയ്തു.
‘എടാ.. ഞങ്ങളെ നീ രക്ഷിക്കണം. മോനെ ആരോടും പറയെല്ലേ.. ഒന്നുമില്ലെങ്കിലും ഇവനൊരു ആണല്ലേ… നീ ക്ഷമിക്ക്…’
കാര്യം അറിഞ്ഞപ്പോൾ മൂത്തമ്മ അച്ഛന്റെ കാലിൽ വീണ് പറഞ്ഞതാണ്. ഇനിയും താൻ എന്തെങ്കിലും പറഞ്ഞാൽ പെണ്ണ് പോയി ചാകുമെന്നും മൂത്തമ്മ ചേർത്തു. എന്തു ചെയ്യുമെന്ന് അറിയാതെ പകച്ച് നിന്ന അച്ഛന്റെ മുഖം ഇപ്പോഴും എനിക്ക് ഓർമ്മയുണ്ട്.
‘മോനിത് ആരോടും പറയല്ലേ… അമ്മയോടു പോലും..!’
അച്ഛൻ അങ്ങനെ പറഞ്ഞപ്പോൾ അപ്പോഴുമൊരു ദുസ്വപ്നത്തിൽ ആണെന്ന പോലെ ഞാൻ തലയാട്ടി. അതിന് ശേഷമാണ് അച്ഛനോട് യാതൊന്നും തുറന്ന് സംസാരിക്കാത്ത പ്രകൃതത്തിലേക്ക് ഞാൻ മാറിയത്. മറ്റെന്തെല്ലാം മാറ്റമാണ് എന്നിൽ ഉണ്ടായതെന്ന് ആർക്കും തിരിച്ചറിയാൻ സാധിച്ചതുമില്ല.
അച്ഛൻ പറഞ്ഞെന്ന് വെച്ച്,
എനിക്ക് ആരോടും പറയാതിരിക്കാൻ കഴിഞ്ഞില്ല. കൂട്ടുകാരനായ ഒരുത്തനോട് പറഞ്ഞപ്പോൾ അവനൊരു ഇക്കിളിക്കഥ കേട്ടത് പോലെ സുഖിക്കുകയായിരുന്നു. കോളേജ് കാലത്തെ കൂട്ടുകാരനോട് ഒരു ദുരനുഭവം പോലെ വിവരിച്ചപ്പോൾ അവന് മാളുവിനെ കാണണം പോലും!
ചള്ള് പ്രായത്തിൽ എന്നെയൊരു ബന്ധുവായ പെണ്ണ് ബലമായി ഉപയോഗിച്ച കഥ അറിഞ്ഞവരെല്ലാം ഞാൻ ഭാഗ്യവാനാണെന്നാണ് പറഞ്ഞത്. പിന്നീട് ആരോടും ഞാൻ ഇതേക്കുറിച്ച് മിണ്ടാതായി. പറയാതെ സൂക്ഷിച്ച ആ ഓർമ്മ എന്റെ സ്വഭാവത്തെ പോലും വല്ലാതെ മാറ്റിയിരിക്കുന്നു.
ഒരു പെണ്ണുമായി കിടപ്പറയിൽ വീഴുമ്പോഴെല്ലാം പതിമൂന്നാമത്തെ പ്രായത്തിലെ ആ അനുഭവമാണ് തികട്ടി വരുന്നത്. ശേഷം, വിളിച്ച് വരുത്തുന്ന യെപ്തോമിമാരുടെ പിടച്ചിൽ എനിക്ക് ഹരമായി മാറി. ആഴത്തിൽ പടർന്നതിന് ശേഷം ഇറങ്ങി പോകാൻ ഞാൻ ആജ്ഞാപിക്കും. എല്ലാ കാലത്തും എന്നെ ആക്രമിക്കാമെന്ന് അങ്ങനെ ആരും കരുതേണ്ട.
വളരുന്തോറും, അച്ഛനിൽ നിന്നും മാത്രമല്ല ഞാൻ അകന്നത്. ഒരു ബന്ധങ്ങളോടും ആത്മാർത്ഥത തോന്നാത്ത വിധം ഹൃദയം കല്ലിച്ച് പോയിരിക്കുന്നുവെന്ന് ഈയിടെയായി എനിക്കു തന്നെ തോന്നി തുടങ്ങിയിട്ടുണ്ട്.
പിറ്റേന്ന് രാത്രിയിലും യെപ്തോമിയെ തന്നെ വേണമെന്ന് ഞാൻ ആഗ്രഹിച്ചു. എന്റെ അടുത്തേക്ക് വരണമെന്ന് അവൾക്ക് യാതൊരു ആഗ്രഹവുമില്ലെന്ന് ഏജന്റ് പറയുകയായിരുന്നു. പണം കൂടുതൽ തരാമെന്ന് പറഞ്ഞ് നിർബന്ധിച്ചപ്പോൾ ഒടുവിൽ അയാൾ സമ്മതിച്ചു. തുടർന്ന്, ഫ്ലാറ്റ് മുറിയിൽ മദ്യക്കുപ്പിയുമായി ഞാൻ കാത്തിരുന്നു…
‘യെസ്. കം ഇൻ….’
യെപ്തോമി വന്നിരിക്കുന്നു. മനസ്സില്ലാ മനസ്സോടെ അവൾ അകത്തേക്ക് പ്രവേശിച്ചു. യാതൊന്നും ഞാൻ പറയാതിരുന്നിട്ടും പെണ്ണ് നഗ്നയായി. ശേഷമൊരു കറുത്ത നീളൻ തുണിയെടുത്ത് എനിക്ക് നേരെ നീട്ടി. ശ്രദ്ധിച്ചപ്പോൾ രക്തം കട്ട പിടിക്കാൻ പാകം അവളുടെ കൈകൾ മുറുകിയ തലേന്നാളിന്റെ പാട് എനിക്ക് കാണാമായിരുന്നു.
എന്തായാലും എന്റെ രീതികളൊക്കെ മനസിലാക്കിയ സ്ഥിതിക്ക് എപ്പോഴും യെപ്തോമി തന്നെ മതിയെന്ന് ഉള്ളിൽ തോന്നി. എന്നെ നോക്കാത്ത അവളുടെ കണ്ണുകളിൽ അർത്ഥം അറിയാത്തയൊരു നനവ് നിറയുന്നത് ഞാൻ കാണുന്നുണ്ടായിരുന്നു. എനിക്ക് അതൊന്നും കാര്യമാക്കാൻ തോന്നിയില്ല. അന്നും ഞാൻ അവളെ കട്ടിലിന്റെ തലയിൽ മുറുക്കെ കെട്ടിയിട്ട് തന്നെയാണ് ഭോഗിച്ചത്. അരുതെന്ന് പറഞ്ഞിട്ടും പണ്ടൊരുത്തി എന്നെ പ്രാപിച്ചതിന്റെ പത്തിരട്ടി ബലത്തിൽ….!!!
രചന – ശ്രീജിത്ത് ഇരവിൽ
കഥ ഇഷ്ടമായെങ്കിൽ ലൈക്ക്, കമന്റ് ചെയ്യണേ ❤️🙏