സ്വന്തം ഭാര്യയെ പങ്കുവെയ്ക്കുന്ന നീയിനി എന്നാണ് നിന്റെ കൂടപ്പിറപ്പിനെയും പെറ്റമ്മയായ എന്നെയും കൂട്ടികൊടുക്കുക എന്നറിയില്ല

(രചന: രജിത ജയൻ)

ഡാ…. ഇതിപ്പോ ഈ പ്രാവശ്യവും നീ എന്നെ പറഞ്ഞു പറ്റിക്കുമോ ടാ …?നിന്റെ കല്യാണം കഴിഞ്ഞതിൽ പിന്നെ

ഓരോ പ്രാവശ്യം കമ്പനി മീറ്റിംഗിനായ് വീട്ടിൽ നിന്നിറങ്ങി ഇവിടെ ഹോട്ടലിലൊത്തു കൂടുന്നതുവരെ വല്ലാത്ത ഒരു ആകാംക്ഷ ആണ് ,നീ കാർത്തികയെ കൂടെ കൊണ്ടു വന്നിട്ടുണ്ടോന്നറിയാൻ …

പലപ്പോഴും ക്ഷമ കെട്ട് നിന്നെ വിളിച്ചു നോക്കാൻ ഫോൺ കയ്യിലെടുക്കും ഞാൻ,പിന്നെ വേണ്ടാന്ന് വെയ്ക്കും… കാത്തിരിക്കുന്നതിനുമൊരു സുഖമുണ്ടല്ലോ ..? അതും കതിരു പോലുള്ള പെൺക്കുട്ടി കാർത്തികയെ…

കൊതിയോടെ ചുണ്ടുകൾ നനച്ച് പീറ്റർ പറയുന്നത് കേൾക്കേ ഒരു ലഹരി തന്റെ ശരീരത്തിലുടനീളം നിറയുന്നത് വിനോദിഞ്ഞു

ഈ പ്രാവശ്യവും നീയെന്നെ ശരിക്കും പറ്റിക്കുമോന്നാ എന്റെ പേടി..ഈ പ്രാവശ്യം അവളെ തീർച്ചയായും കൊണ്ടുവരാമെന്നും ആദ്യം എനിക്ക് തന്നെ തരാമെന്നും നീ പറഞ്ഞ ഉറപ്പിലാണ് ഇങ്ങോട്ടൊന്ന് പകരം ഇല്ലാഞ്ഞിട്ടും എന്റെ പെണ്ണും പിള്ളയെ ഞാൻ നിനക്ക് തന്നത്,… മറക്കരുത് ട്ടോ

പരാതികളുടെയും പരിഭവങ്ങളുടെയും കെട്ട് പീറ്റർ അഴിക്കുമ്പോൾ അവന്റെ ഭാര്യ മെറീന വിനോദിനരികെ അവനോടൊട്ടി ഇരിക്കുകയായിരുന്നു…

മെറീനയുടെ പാതി നഗ്നമായ ശരീരത്തിലൂടെ വിനോദിന്റെ വിരലുകൾ അരിച്ചിറങ്ങിയതും ഇക്കിളി പൂണ്ടെന്നതു പോലെ മെറീന പൊട്ടിച്ചിരിച്ചു

നീയിങ്ങനെ പരാതിപ്പെട്ടി ആവല്ലേ പീറ്റർ ,നെഞ്ചിലേക്ക് മെറീനയെ ചേർത്ത് പിടിച്ച് പറഞ്ഞു കൊണ്ട് വിനോദ് പീറ്ററിനെ നോക്കി

നമ്മുടെ എല്ലാം വിവാഹം കഴിയുന്നതിനു മുമ്പേ നമ്മൾ കൂട്ടുക്കാർ പരസ്പരം പറഞ്ഞതാണ് കൂടെ ഭാര്യയായ് വരുന്നവളുമാരെ പരസ്പരം ഇഷ്ട്ടത്തിനൊത്ത് പങ്കിട്ടെടുക്കാമെന്ന് ..

നിങ്ങളുടെ എല്ലാം കല്യാണം നേരത്തെ നടന്നു ,മാത്രമല്ല നിങ്ങളുടെ ഭാര്യമാരെല്ലാം പട്ടണപരിഷ്ക്കാരികളായതുകൊണ്ട് നിങ്ങളുടെ ഇഷ്ട്ടങ്ങൾക്കനുസരിച്ച് വേഗം മാറി

പക്ഷെ എന്തു ചെയ്യാം എന്റെ കല്യാണം ഇത്തിരി വൈകി മാത്രമല്ല കിട്ടിയതൊരു തനി നാട്ടിൻ പുറത്തു ക്കാരിയേയും എന്തു ചെയ്യാം മനസ്സിനിണങ്ങിയ ഒരുത്തിയെ കിട്ടണ്ടേ …?

വൈകിയാലെന്താ മോനെ … നല്ലൊരു നാടൻ കരിക്കിനെ തന്നെ സംഘടിപ്പിച്ചില്ലേ നീ …?നിന്റെ കൂടെ മണ്ഡപത്തിൽ അവളെ കണ്ടപ്പോൾ തുടങ്ങീതാടാ എന്റെ നിയന്ത്രണം പോവാൻ ..

വികാര തള്ളിച്ചയിൽ പീറ്റർ പറയുന്നത് കേൾക്കെ ഹരം മൂത്ത് വിനോദ് മെറീനയുടെ ശരീരം ഞെരിച്ചമർത്തി …

യ്യോ….. മെറിൻ വേദനയിലൊന്നു പുളഞ്ഞതും വിനോദ് നേർത്തൊരു ചിരിയോടെ അവളുടെ കവിളിൽ ചുംബിച്ചു

കാർത്തികയെ ഇന്ന് നിനക്ക് തരും എന്നത് ഈ വിനോദിന്റെ വാക്കാണെങ്കിൽ അവളിന്ന് രാത്രി നിന്റെ താണ്, നീ റെഡിയായിക്കോ അവളെ സ്വികരിക്കാൻ …

പിന്നെ അറിയാലോ നിന്റെ ഈ ആക്രാന്തം കാരണമാണ് ഞാനിന്നവളെ ഇങ്ങോട്ടു കൊണ്ടുവന്നത് ..

നമ്മുടെ ഈ പദ്ധതിയാ പരിപാടിയോ ഒന്നും അവൾക്കറിയില്ല ,കാര്യങ്ങൾ കേട്ടു കഴിയുമ്പോൾ അവളെങ്ങനെ പ്രതികരിക്കും എന്നതും പറയാൻ പറ്റില്ല, അലറി കരയുമോ നിന്നെ കൊല്ലുമോ ഒന്നും പറയാൻ പറ്റില്ല ട്ടോ ..

വിനോദ് പറഞ്ഞതും പീറ്ററിലൊരു ചിരി വിരിഞ്ഞു ..അവളെ ഒന്നറിഞ്ഞിട്ട് മരിച്ചാലും വേണ്ടില്ലെടാ ,അത്രയ്ക്കും ലഹരിയാണ് അവളെനിക്കിപ്പോൾപിന്നെ ഇത്തിരിയൊക്കെ മൽപിടുത്തം ഒരു ഹരമല്ലേ ടാ ..?

നമ്മളിത് എത്ര കണ്ടിരിക്കുന്നു .. പിന്നെ അവൾ ബഹളം വെച്ചാൽ അതീ റൂമിൽ നിന്ന് പുറത്തു പോവില്ല,ഹോട്ടലിലെ രാത്രിയിലെ ഡി ജെ പാർട്ടിയുടെ ശബ്ദത്തിനിടയിൽ അവളുടെ ശബ്ദം ആരു കേൾക്കാൻ …

പറഞ്ഞതും ആ ഓർമ്മയിൽ പീറ്ററൊന്ന് ഹരം കൊണ്ടുഅതെല്ലാം നിന്റെ മിടുക്കാണ് ,നാളെ രാവിലെ ഞാനവളെ കൊണ്ടുപോവുമ്പോൾ അവൾ നമ്മൾ പറയുന്നതെന്തും അനുസരിക്കുന്നവളക്കണം , എനിക്കത്രയേ വേണ്ടു..

നിനക്ക് മാത്രം തന്നാൽ പോരല്ലോ അവളെ ഇനിയുമുണ്ടല്ലോ അവളെയും സ്വപ്നം കണ്ട് ഇരിക്കുന്നവൻമാർ ..

നിങ്ങളിൽ നിന്നെല്ലാം എന്റെ പങ്ക് ഞാനാദ്യമേ വാങ്ങി പോയില്ലേ… ഇനിയിപ്പോ പകരം തരാതെ പറ്റില്ലല്ലോ ..

വഷളൻ ചിരിയോടെ പറഞ്ഞു കൊണ്ട് വിനോദ് ഒരു പൂച്ച കുഞ്ഞിനെ എടുക്കുന്ന ലാഘവത്തോടെ മെറീനയെ കൈകളിൽ കോരിയെടുത്ത്അടുത്തുള്ള റൂമിലേക്ക് കയറി പോയി .. അവർക്ക് പുറത്തിലായ് മുറിയുടെ വാതിലടഞ്ഞതും കയ്യിലെരിയുന്ന സിഗരറ്റുമായ് പീറ്റർ കാർത്തിയെ മനസ്സിലോർത്തു…

എന്തൊരു ചന്തമാണ് ആ പെണ്ണിന് , മുട്ടറ്റം മറയുന്ന മുടിയും മുല്ലപ്പൂ പല്ലെന്നും കേട്ടിട്ടേ ഉണ്ടായിരുന്നുള്ളു അവളെ കാണുന്നതുവരെ..

വിവാഹ വേദിയിൽ വെച്ചവളെ കാണുന്നതു വരെ വിനോദ് ഒരു സർപ്രൈസ് പോലെ മറച്ച് വെച്ചിരിക്കുകയായിരുന്നു അവളെ ..

കണ്ടമാത്രയിൽ തന്നെ താനും മറ്റുള്ള സുഹൃത്തുക്കളും അവളിൽ മതിമറന്നു പോയിരുന്നു ..

നാടൻ സൗന്ദര്യവും വശ്യതയും നിറഞ്ഞ അവളുടെ ശരീരത്തെ മനസ്സിലിട്ട് പല പ്രാവശ്യം ഭോഗിച്ചവരായിരുന്നു തങ്ങളെല്ലാവരും .. അവരവർക്ക് വരുന്ന ഊഴവും കാത്തിരിക്കുന്നവർ …

വിനോദ് കഴിഞ്ഞാൽ പിന്നെ ഫസ്റ്റവൾ തനിക്കെന്ന് താൻ അവനിൽ നിന്ന് വാക്ക് വാങ്ങിയത് മറ്റുള്ളവർക്കൊന്നും അത്ര രസിച്ചിട്ടില്ല..

ഗ്രാമത്തിൽ ജനിച്ചു വളർന്നതിനാലാവാം കാർത്തികയെ കാര്യങ്ങൾ പറഞ്ഞു മെരുക്കിയെടുക്കാൻ അല്പം സമയം വേണമെന്ന് വിനോദ് പറഞ്ഞത് പ്രകാരം ഇപ്പോ മൂന്ന് മാസമായ് അവൾക്കായുള്ള കാത്തിരിപ്പ് തുടങ്ങിയിട്ട് ,

ഇതിനിടയിൽ പല പ്രാവശ്യം തന്റെ ഭാര്യ മെറീനയടക്കമുള്ളവർ വിനോദിന്റേതായ് മാറി … എല്ലാം മുതലാക്കണം അവളെ ഒന്ന് കയ്യിൽ കിട്ടട്ടെ…

ഓർമ്മയുടെ ലഹരിയിൽ പീറ്റർ സിഗരറ്റ് പുക കൊണ്ട് മുറിയിൽ വലയങ്ങൾ തീർക്കുമ്പോൾ അപ്പുറത്തെ മുറിയിൽ നിന്ന് വിനോദിന്റെ കിതപ്പും മെറീനയുടെ കുസൃതി കലർന്ന ചിരിയും വാതിലിനു പുറത്തേക്ക് ചിതറി തെറിച്ച് കൊണ്ടിരുന്നു..

രാത്രി ഡിന്നർ കഴിക്കാനായ് ഹോട്ടലിലെ ശീതികരിച്ച മുറിയിലിരിക്കുമ്പോഴും കാർത്തിക ആകെ വിയർക്കുന്നുണ്ടായിരുന്നു

പേര് പോലും അറിയാത്ത നിരവധി വിഭവങ്ങൾ നിറഞ്ഞ മേശപ്പുറത്തേയ്ക്ക് അവളുടെ കണ്ണുകൾ ചെന്നതേയില്ല …

തനിക്കരിക്കിൽ ഇരുന്ന് ആ സ്വദിച്ച് ഭക്ഷണം
കഴിക്കുകയും കൂട്ടുക്കാരോട് പൊട്ടിച്ചിരിച്ച് തമാശകൾപറയുകയും ചെയ്യുന്ന വിനോദിനെയവൾ വീണ്ടും വീണ്ടും നോക്കി ..

ഇല്ല വിനോദേട്ടൻ ഒന്നും അറിയുന്നില്ല, വിനോദേട്ടൻ സുഹൃത്താണെന്ന് പറഞ്ഞ് അല്പം മുമ്പ് തനിക്ക് പരിചയപ്പെടുത്തിയ പീറ്ററെന്ന ആളാണ് ഏട്ടനൊപ്പം സംസാരിച്ചിരിക്കുമ്പോഴും ടേബിളിനടിയിലൂടെ തന്റെ കാലുകളിൽ തലോടുന്നത്

ദേഷ്യത്തിലവന്റെ മുഖത്തേക്ക് താൻ നോക്കുമ്പോഴവൻ ഒരു വഷളൻ ചിരിയോടെ കണ്ണിറുക്കി കാണിക്കുന്നു ..എന്താണീശ്വര ഞാൻ ചെയ്യുക ?

ശരീരമാകെ വിറച്ച് വിയർപ്പിൽ നനഞ്ഞു കാർത്തിക പതറിയിരിക്കുമ്പോൾ പീറ്ററിന്റെ കാലുകൾ കാർത്തികയുടെ തുടയിലമർന്നത് പെട്ടന്നായിരുന്നു..

ച്ഛീ… അവളിൽ നിന്നൊരു ശബ്ദം ഉണ്ടായതും വിനോദവളെ നോക്കിഎന്താ കാർത്തു..?

വിനോദ് ചോദിച്ചതും ഒന്നും പറയാൻ പറ്റാതെ വാക്കുകൾ തൊണ്ടയിൽ കുരുങ്ങി നിസ്സഹായതയോടെ ഒന്നുമില്ലെന്നവൾ ചുമൽ കുലുക്കിയതും വിനോദും പീറ്ററും മെറീനയും പരസ്പരം ഒരു ഗൂഢമായ ചിരിയോടെ ഭക്ഷണം കഴിക്കൽ തുടർന്നു .

ഒരു പ്രശ്നമുണ്ടായാൽ കാർത്തികയുടെ പ്രതികരണം എങ്ങനെയാവുമെന്നറിയാനവർ നടത്തിയ പരീക്ഷണം തിരിച്ചറിയാൻ കാർത്തികയ്ക്ക് സാധിക്കാതെ പോയതവളുടെ മേലുള്ള അവരുടെ വിജയമായിരുന്നു…

ഭക്ഷണം കഴിച്ചു കഴിച്ചില്ല എന്ന രീതിയിൽ ടേബിളിൽ നിന്നെഴുന്നേറ്റ് വാഷ് റൂമിലേക്ക് നടന്നു പോയ കാർത്തികയുടെ പിന്നാമ്പുറ സൗന്ദര്യം ആസ്വദിക്കുന്ന പീറ്ററിനെ വിനോദ് ചുഴിഞ്ഞു നോക്കി

ഇങ്ങനെ നോക്കി വെള്ളമിറക്കാതെ ടാ.. ഇന്നത്തെ രാത്രി അവൾ നിനക്കുള്ളതു തന്നെയാണ്

നീയവളുടെ തുടയിലൊന്ന് തൊട്ടതു പോലും എന്നോട് പറയാൻ ഭയക്കുന്ന അവൾ ഒരു രാത്രി നിന്നോടൊപ്പം കഴിഞ്ഞാൽ ആരോട് പോയ് പറയും പരാതി …? നിനക്ക് അവളെ കൂട്ടിത്തരുന്ന എന്നോടോ..?

എന്തായാലും ഇനിയങ്ങോട്ട് നമ്മുടെ നാളുകളാടാ .. അടിച്ചു പൊളിക്കണം നമ്മുക്ക് ..

തനിക്ക് പിന്നിലൊരുങ്ങുന്ന ചതിയുടെ കഥയറിയാതെ കാർത്തിക വീണ്ടും അവർക്കരികിലെത്തിയപ്പോൾ അവരുടെ സംസാരം മുറിഞ്ഞു ..

അടച്ചിട്ട ഹോട്ടൽ മുറിയിൽ അസ്വസ്തമായ മനസ്സോടെ ഇരിക്കുമ്പോൾ എന്തിനെന്നറിയാതെ കാർത്തികയുടെ ഹൃദയം പട പട തുടിച്ചു ..

ഗ്രാമത്തിന്റെ നിഷ്കളങ്കതയിൽ വളർന്ന അവൾക്ക് തനി പരിഷ്ക്കാരിയായ വിനോദിന്റെ കൂടെയുള്ള ജീവിതം ആദ്യമൊരു അത്ഭുതമായിരുന്നു ..

സ്നേഹിക്കാൻ മാത്രമറിയുന്ന ഒരമ്മയും സഹോദരിയുമാണ് വിനോദിനുണ്ടായിരുന്നത്

അമ്മയേയും സഹോദരിയെയും ജീവനായിരുന്നു വിനോദിന്. കാർത്തികയ്ക്ക് ഏറെ ഇഷ്ട്ടമാണ് വിനോദിന്റെ അമ്മയെ… അമ്മയുടെ ഓർമ്മ വന്നതും കാർത്തിക മൊബൈലെടുത്ത് അമ്മയെ വിളിച്ചതും വാതിലിലാരോ തട്ടിയതും ഒരുമ്മിച്ചായിരുന്നു ..

ചെന്ന് വാതിൽ തുറന്നതും മുന്നിലൊരു വഷളൻ ചിരിയോടെ പീറ്റർ ,ഭയന്നവൾ പിന്നോട്ടു മാറിയതും പീറ്റർ മുറിയിലേക്ക് കയറി വാതിലടച്ചു

ഭയന്നു നിലവിളിക്കാൻ തുടങ്ങിയ കാർത്തികയുടെ വായയവൻ ബലമായ് അമർത്തി പിടിച്ചു, അവളുടെ കയ്യിലിരുന്ന ഫോൺ വഴുതി മേശക്കടിയിലേക്ക് വീണു

ശബ്ദമുണ്ടാക്കരുത് ,ആരും ഓടി വരാനില്ല ,നിന്റെ ശബ്ദം ഈ മുറിയിൽ നിന്ന് പുറത്തേക്ക് പോവുകയും ഇല്ല …

ഭയത്താൽ തളർന്ന കാർത്തിക ഒരാശ്രയത്തിനായ് ചുറ്റും നോക്കിനീ ആരെയാടീ സുന്ദരി നോക്കുന്നത് ?വിനോദിനെ ആണോ ?

അവൻ എന്റെ റൂമിൽ എന്റെ ഭാര്യയോടൊപ്പം ആണ്, അതല്ലേ ടീചക്കരേ ഞാനിങ്ങ് വന്നത് ഒരു ബാർട്ടർസിസ്റ്റം …

ക്രൂരമായ് പീറ്റർ പറഞ്ഞതു വിശ്വസിക്കാൻ കഴിയാതെ കാർത്തിക അവനിൽ നിന്നും കുതറി കൊണ്ടേ ഇരുന്നു

ഇതൊന്നും ഞങ്ങൾക്കിടയിൽ പുത്തരി അല്ലെ ടീ ,ഞങ്ങളെല്ലാം വെച്ചുമാറും ഞങ്ങളുടെ ഭാര്യമാരെ വരെ ..

നിന്നെ കയ്യിലൊതുക്കാൻ ഇത്രയും ദിവസം വേണ്ടിവന്നൂന്ന് മാത്രം ..പീറ്ററിൽ നിന്നു കേട്ട ഓരോ വാക്കുകളും നെഞ്ചിൽ അസ്ത്രമായ് തുളച്ചു കയറി തരിച്ചുനിന്നു പോയ് കാർത്തിക ..

ഇതായിരുന്നോ വിനോദേട്ടൻ എപ്പഴും പറയാറുള്ള ആ സർപ്രൈസ് .. ?അവളുടെ കണ്ണുകൾ കവിഞ്ഞൊഴുകി ..അപ്പോ തുടങ്ങുകയല്ലേ നമ്മൾ..?

പറഞ്ഞതും പീറ്റർ കാർത്തികയുടെ വായിൽ നിന്ന് കയ്യെടുത്ത് അവളുടെ സാരിയുടെ കുത്തിൽ പിടിച്ചൊരു വലി …

തനിക്ക് മുമ്പിൽ അർദ്ധനഗ്നയായ് കരയുന്ന കാർത്തികയെ കണ്ടു ലഹരി മൂത്ത പീറ്ററവളിലേക്ക് അടുത്തതും വാതിലിലാരോ ശക്തമായ് തട്ടി ,,

തുറക്കാൻ വൈകും തോറും വാതിലിലെ തട്ടൽ ശക്തമായപ്പോൾ പ്രാകി കൊണ്ട് പീറ്റർ വാതിൽ തുറന്നു ..

ഭയന്ന മുഖത്തോടെ മുന്നിൽ വിനോദ് …എന്താടാ.. എന്തു പറ്റി …?പീറ്ററിന്റെ ചോദ്യങ്ങൾ കേൾക്കാതെ വിനോദ് വേഗം മുറിക്കുള്ളിലേക്ക് കയറി ..

കരയാൻ പോലും മറന്നവനെ നോക്കി നിൽക്കുന്ന കാർത്തികയുടെ മുഖത്തവന്റെ കണ്ണുകൾ ഒരു നിമിഷം തങ്ങി
നിന്നു

പെട്ടന്നെന്തോ ഓർത്തിട്ടെന്നെ പോലെ അവന്റെ കണ്ണുകൾ മുറിയിലാകെ പരതി നടന്നു ,

വാതിലിനടുത്ത് മേശയുടെ അടിയിൽ വീണു കിടക്കുന്ന കാർത്തികയുടെ ഫോൺ കണ്ടതും അവന്റെ മുഖം വിളറിവെളുത്തു

കയ്യെത്തിച്ചാ ഫോൺ എടുത്തതും അവൻ കണ്ടു ഫോണിലപ്പോഴും തെളിഞ്ഞു കോൾ കട്ടാവാതെ നിൽക്കുന്ന അവന്റെ അമ്മയുടെ നമ്പർ

പോലീസ് സ്‌റ്റേഷനിൽ സ്വന്തം അമ്മയുടെയും സഹോദരിയുടെയും മുഖത്തു പോലും നോക്കാൻ സാധിക്കാതെ തല കുമ്പിട്ടു നിൽക്കുമ്പോൾ താനാ നിമിഷം മരിച്ചു വീണിരുന്നെങ്കിൽ എന്നു തോന്നി വിനോദിന്..

സ്നേഹത്തോടെ മാത്രം തന്നെ നോക്കിയിരുന്ന അമ്മയുടെ കണ്ണിലെ വെറുപ്പും തന്നെ നോക്കുമ്പോൾ സഹോദരിയുടെ കണ്ണിൽ തെളിയുന്ന ഭയവുമെല്ലാം അവനെ ഏറെ തളർത്തിയിരുന്നു

ഹോട്ടലിൽ നിന്ന് സ്റ്റേഷനിലെത്തിയ ശേഷം കാർത്തികയുടെ മുഖത്ത് പോലും അവൻ നോക്കിയില്ല ,അവളുടെ എരിയുന്ന കണ്ണിലെ പക അവനെ ഒരു മാത്ര തളർത്തി..

സാർ ഇവന്റെ മേൽ നിയമപരമായ് എന്തെല്ലാം കുറ്റങ്ങൾ ചാർത്താമോ അതെല്ലാം ചാർത്തിക്കോളൂ നിങ്ങൾ ..

എന്റെ കുട്ടിയുടെ ഫോൺ കോൾ ആ നിമിഷം എനിക്കരിക്കിലെത്തിയിരുന്നില്ലെങ്കിൽ ,കോൾ കണക്ട് ആയതും ഞാനാദ്യം കേട്ടത് പീറ്ററെന്ന ചെന്നായയുടെ വാക്കുകൾ ആണ്..

സ്വന്തം ഭാര്യയെ അന്യന് കൂട്ടികൊടുത്ത് കൂട്ടുക്കാരന്റെ ഭാര്യയെ തേടി പോയ എന്റെ മകനെന്ന പിശാച്ചിന്റെ ഫോണിലേക്ക് പിന്നെ വിളിച്ചതെന്റെ മോളായിരുന്നു ,

സ്വന്തം ഭാര്യയെ കൂട്ടികൊടുത്ത ഇവന്റെ രണ്ടു കയ്യിൽ രണ്ട് ഫോണിലായ് ഞങ്ങൾ ഇവന്റെ അമ്മയും പെങ്ങളും കാർത്തിക മോൾക്ക് കാവലായി ഇരുന്നതു കൊണ്ടു മാത്രമാണ് ഇന്നിത് ഇവിടെ ഇങ്ങനെ അവസാനിച്ചത്..

സാറിന് എങ്ങനെ വേണമെങ്കിലും കേസെടുക്കാം ,സാക്ഷി പറയാൻ ഞങ്ങളെവിടെയും വരാം, ഇപ്പോൾ ഞാനെന്റെ മോളെയും കൊണ്ടു പോവാണ് സാറേ ..

കാർത്തികയുടെ കൈയും പിടിച്ച് പുറത്തേക്ക് നടക്കുന്നതിനിടയിൽ തല കുനിച്ചു നിൽക്കുന്ന വിനോദിനരികെ എത്തിയതും അവന്റെ അമ്മ ഒന്നു നിന്നുടാ… മുഖത്തു നോക്കെടാ …

സ്വന്തം ഭാര്യയെ പങ്കുവെയ്ക്കുന്ന നീയിനി എന്നാണ് നിന്റെ കൂടപ്പിറപ്പിനെയും പെറ്റമ്മയായ എന്നെയും കൂട്ടികൊടുക്കുക എന്നറിയില്ല ,അതു കൊണ്ട് ഇവിടുന്നിറങ്ങുമ്പോൾ വന്നേക്കരുത് എന്റെ ഭർത്താവ് എനിക്ക് തന്നിട്ടുപോയ ഞങ്ങളുടെ വീട്ടിലേക്ക് ,

നിന്നെ ഇനി അവിടെ കണ്ടു പോകരുത് ,പറഞ്ഞതും അമ്മ കൈ നീട്ടി കാർത്തികയുടെ കഴുത്തിലെ താലിമാല പൊട്ടിച്ചെടുത്ത് അവന്റെ മുഖത്തേക്ക് വലിച്ചെറിഞ്ഞതും പെട്ടന്നായിരുന്നു ..

ഇതാ.. ആ ബന്ധവും കഴിഞ്ഞിരിക്കുന്നു ,ഇനി വരരുത് എന്നെയും എന്റെ മക്കളെയും അന്വോഷിച്ച് എന്റെ മുമ്പിൽ ..

വലം കയ്യാൽ കാർത്തുവിനെയും ഇടംകയ്യാൽ പെങ്ങളെയും പിടിച്ചു തലയുയർത്തി അമ്മ സ്റ്റേഷനിൽ നിന്നിറങ്ങി പോയപ്പോൾ അമ്മ വലിച്ചെറിഞ്ഞു പോയ താലിചെയിൻ വിനോദിന്റെ മുമ്പിൽ അനാഥമായ് കിടന്നിരുന്നു..

(ഈ കഥയുടെ കോപ്പിറൈറ്റ് ഞങ്ങൾ വാങ്ങിയിട്ടുള്ളതാണ്.. ഞങ്ങളുടെ അനുവാദം കൂടാതെ ഈ കഥകൾ മറ്റെവിടെയും പോസ്റ്റ് ചെയ്യാൻ പാടുള്ളതല്ല.©️ᴋᴀᴅʜᴀᴋᴏᴏᴛᴛᴜ)