കമ്പി ചാറ്റിന് താല്പര്യമുള്ള സ്ത്രീകൾ ഈ നമ്പറിൽ മെസ്സേജ് അയക്കുക. എന്റെ നമ്പർ എട്ട് എട്ട് നാല് എട്ട്

(രചന: ശിഖ)

കമ്പി ചാറ്റിന് താല്പര്യമുള്ള സ്ത്രീകൾ ഈ നമ്പറിൽ മെസ്സേജ് അയക്കുക. എന്റെ നമ്പർ എട്ട് എട്ട് നാല് എട്ട് മൂന്ന് മൂന്ന് മൂന്ന് ഒൻപത് ഏഴ് നാല്.

യൂട്യൂബിൽ മിക്കവാറും വീഡിയോകളുടെ കമന്റ്‌ ബോക്സിൽ കാണുന്ന ജോബിൻ എന്നയാളുടെ ഈ കമന്റ്‌ ഹരിതയെ ആകർഷിച്ചു.

ഹണി ട്രാപ് തൊഴിലാക്കിയ അവൾക്ക് സ്ഥിരമായി കാണുന്ന ആ നമ്പരിന് ഉടമയെ ഒന്ന് കണ്ടെത്തിയാൽ കൊള്ളാമെന്ന് ആഗ്രഹം തോന്നി. അങ്ങനെ പുതിയ സിം കാർഡും ഫോണും ഡ്യൂപ്ലിക്കേറ്റ് ഐഡി പ്രൂഫ് ഒക്കെ റെഡിയാക്കി അവൾ ആ നമ്പറിലേക്ക് വാട്സാപ്പിൽ മെസ്സേജ് അയച്ചു.

“ഹായ്, ജോബിൻ ആണോ ഇത്. യൂട്യൂബിൽ വീഡിയോയ്ക്ക് താഴെ കമന്റ്‌ കാണാറുണ്ട് ഞാൻ.” ആദ്യം തന്നെ ഹരിത ഇങ്ങനെ ഒരു മെസ്സേജ് ഇട്ടു.

അൽപ്പം കഴിഞ്ഞതും ജോബിന്റെ റിപ്ലൈ വന്നു.”അതേ… ഞാൻ ജോബിനാണ്. പക്ഷേ ഇതെന്റെ ഒറിജിനൽ പേരല്ല.””അത് മനസ്സിലായി .””തന്റെ പേരെന്താ?”

“ഹരിത.” ഒറിജിനൽ പേരല്ലാത്തത് കൊണ്ട് അത് പറയാൻ അവൾക്ക് മടി തോന്നിയില്ല.”നല്ല പേര്.”

“ഉം… എന്തിനാ ഇങ്ങനെ യൂട്യൂബിൽ വീഡിയോയുടെ അടിയിലൊക്കെ പോയി കമന്റ്‌ ഇടുന്നത്.”

“വിവാഹം കഴിക്കാത്ത ഒരു പുരുഷന്റെ വിഷമം ആർക്ക് മനസ്സിലാവും” വിഷമത്തോടെ മുഖം കുനിച്ചിരിക്കുന്ന ഇമോജി അയച്ചു അവൻ പറഞ്ഞു.

“എനിക്ക് മനസ്സിലാവും.” കള്ളച്ചിരിയോടെ അവൾ പറഞ്ഞു.”ഹരിത എന്താ എനിക്ക് മെസ്സേജ് അയച്ചത്?”

“കുറേ നാളായി ജോബിന്റെ കമന്റ്‌ കാണാൻ തുടങ്ങിയിട്ട്. അപ്പൊ ഒരു കൗതുകത്തിന് മെസ്സേജ് അയച്ചു നോക്കാമെന്ന് കരുതി.”

“ഹരിത മാരീഡ് ആണോ?””അല്ല.””സെക്സ് ചെയ്തിട്ടുണ്ടോ?””ഉണ്ട്.””കാമുകൻ ആണോ?””അതേ.””എത്ര വയസ്സുണ്ട്?””25, ജോബിനോ.”

“32. തന്റെ വീടെവിടാ എന്താ ജോലി?””അതൊക്കെ അറിഞ്ഞിട്ട് എന്തിനാ?””വെറുതെ ചോദിച്ചതാ?””ജോബിൻ എന്താ ചെയ്യുന്നേ? എവിടെ വീട്.”

“ഞാൻ പ്രവാസിയാണ്, നാട്ടിൽ പെരുമ്പാവൂർ ആണ്.””ഞാൻ കൊടുങ്ങല്ലൂർ ആണ്. ജോലി ബാംഗ്ലൂർ ആണ്.” ഹരിതയും പറഞ്ഞു.

ഇരുവർക്കും പറയുന്നത് കള്ളമാണെന്ന് അറിയാമെങ്കിലും പരസ്പരം വിശ്വാസച്ചതായി നടിച്ചു.”താൻ കാണാനെങ്ങനെ സുന്ദരി ആണോ?”

“ഉം.. കുഴപ്പമില്ല.””ഒരു ഫോട്ടോ കാണിക്കോ?” കള്ളച്ചിരിയോടെ ജോബിൻ ചോദിച്ചു.”നമ്മളിപ്പോ പരിചയപ്പെട്ടതല്ലേയുള്ളൂ. പരസ്പരമൊരു വിശ്വാസവും ധാരണയിലും എത്തിച്ചേർന്നിട്ട് പോരെ ഫോട്ടോയൊക്കെ.” ഹരിതയുടെ മെസ്സേജ് കണ്ടതും ജോബിൻ അടിമുടി പൂത്തുലഞ്ഞു.

“ഓ.. മതി.” നിന്നെ വളച്ചെടുത്തു ഞാൻ കുറേ വീഡിയോയും ഫോട്ടോയുമൊക്കെ ഒപ്പിക്കുമെടി മോളെ എന്ന് അവൻ മനസ്സിൽ പറഞ്ഞു.

ആ ചാറ്റിങ് പിന്നീടുള്ള ദിവസങ്ങളിൽ ഫോൺ കാളിലേക്ക് വഴി മാറി.ഫോൺ കാളിലൂടെ സെക്സ് ചാറ്റും ഇക്കിളി സംസാരവുമായി ജോബിനെ രസം പിടിപ്പിച്ചു ഹരിത അവനെ അവളിലേക്ക് കൂടുതൽ അടുപ്പിച്ചു. അവന്റെ സംസാരവും ഇളക്കവുമൊക്കെ കണ്ടപ്പോൾ തന്നെ ജോബിന്റെ മനസ്സിലിരിപ്പ് ഹരിതയ്ക്ക് പിടികിട്ടി.

യൂട്യൂബിലുള്ള അവന്റെ സ്ഥിരമായ കമന്റ്‌ കണ്ട് കൗതുകം തോന്നി സെക്സ് ചാറ്റിങ്ങിൽ താല്പര്യമുള്ള ഏതോ മന്ദബുദ്ധി പെണ്ണാണ് അവളെന്നായിരുന്നു അവന്റെ ധാരണ. ഹരിത തന്റെ വലയിൽ വന്ന് പെട്ട് പോയെന്നും അവളുടെ വിശ്വാസം ഏത് വിധേനയും നേടിയെടുത്ത ശേഷം ഹരിതയുടെ ന്യൂഡ് ആയിട്ടുള്ള വീഡിയോയും ഫോട്ടോയുമൊക്കെ ഒപ്പിച്ചെടുക്കാനായിരുന്നു അവന്റെ ഉദ്ദേശം.

എല്ലാദിവസവും രാത്രി ആകുമ്പോൾ ഇരുവരും ഫോൺ വിളിച്ചു സംസാരിക്കാൻ തുടങ്ങും. വെളുക്കുവോളം ആ സംസാരം നീണ്ടുപോകും.

“ഹരിതേ… നീയിപ്പോ എന്ത് ഡ്രെസ്സാടി ഇട്ടേക്കുന്നത്?” പതിവ് ഫോൺ കാളിൽ ജോബിൻ ചോദിച്ചു.

“പച്ച ബനിയനും ചുവന്ന നിക്കറും.” കുറുകലോടെ അവൾ പറഞ്ഞു.”ഹോ… നിന്നെ ആ വേഷത്തിൽ കാണാൻ തോന്നുന്നെടി പൊന്നേ.”

“കാണുവാന്ന് മനസ്സിൽ വിചാരിച്ചോ?””നീയൊരു ഫോട്ടോ അയച്ചുതാ. എന്നാലല്ലേ മനസ്സിൽ വിചാരിക്കാൻ പറ്റു.”

“എനിക്ക് പേടിയാ. ജോബി വേറെ ആർക്കെങ്കിലും കൊടുത്താൽ പിന്നെ എനിക്ക് വേറൊരു കല്യാണം പോലും കഴിക്കാൻ പറ്റില്ല.”

“ഞാൻ ആരെയും കാണിക്കില്ല… നീ അയക്കേടി.” ജോബിൻ അവളെ നിർബന്ധിച്ചു.

ചുണ്ടിലൂറിയ ചിരിയോടെ ഹരിത സ്വൽപ്പം പേടിയൊക്കെ അഭിനയിച്ചു മുഖം മറച്ചു ഒരു ഫോട്ടോ എടുത്ത് വാട്സ്ആപ് ൽ ഇട്ടുകൊടുത്തു.

“ഹോ… എന്തൊരു ഹോട് ആണ് പെണ്ണേ നിന്നെ കാണാൻ. ആ ടീ ഷർട്ട് ഒന്ന് മാറ്റിയിട്ട് ഫോട്ടോ താ.” വീണ്ടും അവൻ കെഞ്ചി.

“ചേട്ടനാരെന്നോ എന്തെന്നോ അറിയാതെ ഞാനെങ്ങനെ ഇതൊക്കെ വിശ്വസിച്ചു അയക്കും. എന്നെ ഇതൊക്കെ വച്ച് ഭീഷണി പെടുത്തില്ലെന്ന് എന്താ ഉറപ്പ്.” ഭയം അഭിനയിച്ചു അവളത് പറയുമ്പോൾ അവൻ ഊറി ചിരിച്ചു.

“ഞാൻ ആരെ കാണിക്കാനാ… നീ അയച്ചു താടി പെണ്ണെ.” ആവേശത്തോടെ ജോബിൻ പറഞ്ഞു.

“മ്മ്മ്……. ഞാൻ അയക്കാം.” ഏറെ നേരത്തെ അവന്റെ നിർബന്ധത്തിൽ വഴങ്ങിയത് പോലെ ടീഷർട് ഊരി ഒരു ഫോട്ടോ എടുത്ത് അവൾ അവനയച്ചു.

വെളുത്തുതുടുത്ത മാറിടങ്ങൾ കണ്ട് ജോബിന്റെ കണ്ണ് തള്ളി. അവളുടെ നഗ്നത മുഴുവനായും കാണാൻ ജോബിന് അതിയായ ആഗ്രഹം തോന്നി. ഫോട്ടോയിലെ ഡീറ്റൈൽസ് നോക്കിയപ്പോൾ ആ ഫോട്ടോ അപ്പൊ എടുത്ത് അയച്ചതാണെന്ന് അവന് ഉറപ്പായി.

“ഹരീ… നിന്നെയിങ്ങനെ കാണുമ്പോൾ മുഴുവനായി കാണാനും കെട്ടിപ്പിടിച്ചു എന്തൊക്കെയോ ചെയ്യാനും തോന്നുന്നു. നിന്റെ മുഖവും ആ സുന്ദരമായ മേനിയും ഒന്നുകൂടി മുഴുവനായി ഫോട്ടോ എടുത്ത് അയക്കെടി.”

“അത് പറ്റില്ല. എനിക്ക് പേടിയാ.””പ്ലീസ് ഹരിതേ.””എനിക്ക് നിന്നെ പേടിയുണ്ട് ജോബിൻ. നീ മിസ്സ്‌യൂസ് ചെയ്യും.”

“ഇല്ലെടി.. സത്യം.””എങ്കിൽ ഞാൻ വീഡിയോ കാളിൽ കാണിക്കാം. ഫോട്ടോ അയച്ചു തരില്ല.”

“അതുമതി… എങ്ങനെ ആയാലും നിന്നെ കണ്ടമതി എനിക്ക്.” വികാര തള്ളിച്ചയിൽ അവൻ പറഞ്ഞു.

ഹരിതയിട്ട ചൂണ്ടയിൽ അവൻ കൃത്യമായി കൊത്തി.ഉടനടി അവൾ ജോബിന്റെ നമ്പറിൽ വീഡിയോ കാൾ ചെയ്തു. സ്ക്രീൻ റെക്കോർഡ് ഓൺ ചെയ്ത് ഹരിതയുടെ കാൾ നോക്കിയിരുന്ന അവൻ അപ്പൊ തന്നെ അറ്റൻഡ് ചെയ്തു.

കാൾ എടുത്തതും ജോബിൻ കണ്ടത് വെളുത്തു മെലിഞ്ഞ അവളുടെ നഗ്നമായ ഉടലാണ്. അവന്റെ കണ്ണുകൾ സ്‌ക്രീനിൽ തങ്ങി നിന്നു. വെളുത്തു കൊഴുത്ത മാറിടങ്ങളും മാംസംളമായ വയറും ജോബിനെ വിവശനാക്കി.

വെളുത്ത് സുമുഖനായൊരു മധ്യ വയസ്സ് തോന്നിക്കുന്ന പുരുഷൻ കണ്ണ് തള്ളി ഫോണിൽ നോക്കി വികാരമടക്കി ഇരിക്കുന്നത് കണ്ട് ഹരിതയ്ക്ക് ചിരി വന്നു. അവളുടെ മുഖം മറച്ചു പിടിച്ചാണ് ഹരിത വിളിച്ചത്.

“ഹരിതേ… മുഖം കാണിക്കെടി. നീയെന്നെ കണ്ടില്ലേ. ഇനി ആ മുഖം ഞാൻ കണ്ടോട്ടെ.” നാവ് ഞൊട്ടി നുണഞ്ഞു അവനത് പറയുമ്പോൾ ഹരിത കാൾ കട്ട്‌ ചെയ്ത്.

കാൾ കട്ടായി പോയതാകുമെന്ന് കരുതി ജോബിൻ വീണ്ടും വിളിച്ചെങ്കിലും നെറ്റ് ഓഫ് ആയതുകൊണ്ട് കാൾ പോയില്ല. നോർമൽ കാൾ വിളിച്ചു നോക്കിയപ്പോൾ പരിധിക്ക് പുറത്തെന്നാണ് കേട്ടത്. കുറേതവണ അതുതന്നെ ആവർത്തിച്ചപ്പോൾ നിരാശയോടെ ഫോൺ വലിച്ചെറിഞ്ഞ് അവൻ ഉറങ്ങാനായി കിടന്നു.

പിറ്റേന്ന് രാവിലെ ഹരിതയുടെ കാളാണ് ജോബിനെ ഉറക്കത്തിൽ നിന്നുണർത്തിയത്.

ഉറക്കച്ചടവോടെ ഫോണെടുത്ത് നോക്കിയപ്പോൾ ഹരിതയുടെ നമ്പർ ഡിസ്പ്ലേയിൽ കണ്ടതും അവൻ ചാടി എഴുന്നേറ്റ് കാൾ അറ്റൻഡ് ചെയ്തു.

“ഹലോ… ഹരിതേ… ഇന്നലെ എന്ത് പറ്റിയതാടി. എന്താ കാൾ കട്ട്‌ ചെയ്തത്?””ഫോൺ ചാർജ് തീർന്ന് ഓഫായത് ആണ്. ജോബിൻ വാട്സാപ്പ് ഒന്ന് എടുത്തു നോക്കിക്കേ. ഞാനൊരു വീഡിയോ അയച്ചിട്ടുണ്ട്.” ചിരിയോടെ പറഞ്ഞിട്ട് ഹരിത കാൾ കട്ട്‌ ആക്കി.

അവളെന്തായിരിക്കും അയച്ചിട്ടുണ്ടാവുക എന്ന ആകാംക്ഷയിൽ ജോബിൻ വേഗം വാട്സാപ്പ് തുറന്ന് അവളുടെ മെസ്സേജ് പരിശോധിച്ചു.

വീഡിയോ ഡൌൺലോഡ് ചെയ്ത് കാണവേ അവന്റെ മുഖം ദേഷ്യം കൊണ്ട് വലിഞ്ഞു മുറുകി.

പൂർണ്ണ നഗ്നരായി ബെഡിൽ കിടന്ന് കമകേളികളിൽ ഏർപ്പെടുകയാണ് ജോബിനും മറ്റൊരു സ്ത്രീയും. പെണ്ണിന്റെ മുഖം അവ്യക്തമാണ്. പക്ഷേ ജോബിനെ കൃത്യമായി മനസ്സിലാകും.

താൻ ചതിക്കപ്പെടുകയായിരുന്നുവെന്ന് അവന് അപ്പോഴാണ് മനസ്സിലായത്. കടച്ചതിനേക്കാൾ വലുതിനെയാണ് പിടിച്ചതെന്ന് തിരിച്ചറിഞ്ഞ ജോബിൻ തളർച്ചയോടെ ഇരുന്നുപോയി.

കുറച്ചു സമയം കഴിഞ്ഞു ഹരിതയുടെ കാൾ വന്നപ്പോൾ അവൻ യാന്ത്രികമായി കാൾ എടുത്തു.”വീഡിയോ കണ്ടോ?” അമർത്തിയ ചിരിയോടെ അവൾ ചോദിച്ചു.

“പന്ന നായിന്റെ മോളെ… നീയീ ജോസഫിനെ കുറിച്ച് എന്താടി വിചാരിച്ചത്. ഇതൊന്നും കണ്ടാലൊന്നും ഞാൻ പേടിക്കില്ല. നിനക്ക് ആള് തെറ്റി. നിന്നെക്കാൾ വലിയ ഫ്രോഡാ ഞാൻ.” തോറ്റു കൊടുക്കാൻ മനസ്സില്ലാതെ അവൻ എന്തൊക്കെയോ വിളിച്ചു പറഞ്ഞു.

“നീ ജോബിനല്ല ജോസഫ് ആണെന്നും. വീട് കോട്ടയമാണെന്നും ഭാര്യ ലിസി ബഹ്‌റൈനിൽ നേഴ്സ് ആണെന്നും പത്തിലും അഞ്ചിലും പഠിക്കുന്ന രണ്ട് മക്കളുണ്ടെന്നും എനിക്കറിയാം. നീ ഇപ്പൊ കുവൈറ്റിൽ ജോലി ചെയ്യുന്നു.

നിന്റെ മുഖം വച്ച് ഒറ്റ രാത്രി കൊണ്ടുതന്നെ മൊത്തം ഡീറ്റെയിൽസ് ഞാൻ പൊക്കി. കഴപ്പ് മൂത്ത് നീ കുറേ പെണ്ണുങ്ങളെ വളച്ചും ഭീഷണിപ്പെടുത്തിയും ഇത്ര നാൾ സുഖിച്ചില്ലേ. അതുപോലെ ഒരു ചീള് പെണ്ണാണ് ഞാനെന്ന് വിചാരിച്ച നിനക്ക് തെറ്റി.”

ഹരിത തന്റെ ജാതകമുൾപ്പെടെ പറയുന്നത് കേട്ട് ജോബിനൊന്ന് ഞെട്ടി.”നിനക്കെന്താടി വേണ്ടത്?”

“എനിക്ക് വേണ്ടത് പത്തുലക്ഷം രൂപ. ഇതിൽ കൂടുതൽ തരാൻ നിനക്ക് പാങ്ങുണ്ടെന്ന് അറിയാം. പക്ഷെ തല്ക്കാലം എനിക്കിത് മതി.

കൂടുതൽ സംസാരത്തിന് നിൽക്കാതെ കാശ് ഇന്നുതന്നെ ഇട്ടാൽ ഈ വീഡിയോ നിന്റെ നാട്ടുകാരും കുടുംബക്കാരും കാണില്ല.”

ഹരിതയുടെ ഭീഷണിയോടുള്ള സ്വരം കേട്ട് അവനൊന്നു പതറി.”ഞാൻ തരാം. പക്ഷേ വീഡിയോ പുറത്ത് പോവരുത്. ചോദിച്ച കാശ് ഞാൻ തരാം.”

“അക്കൗണ്ട് ഡീറ്റെയിൽസ് ഞാൻ ഇട്ടേക്കാം. അയച്ചേക്ക്.”അത് പറഞ്ഞു ഹരിത കാൾ കട്ട്‌ ചെയ്തു.

നാണക്കേട് ഭയന്ന് പത്ത് ലക്ഷം രൂപ ഹരിത അയച്ച അക്കൗണ്ട് നമ്പറിലേക്ക് അയക്കാതെ അവന് വേറെ നിവൃത്തിയില്ലായിരുന്നു.

ജോബിനിൽ നിന്നുള്ള ക്യാഷ് കിട്ടിയതും ആ സിം ഒടിച്ചു കളഞ്ഞു ശേഷം അവൾ അടുത്ത ഇരയ്ക്കായുള്ള അന്വേഷണം തുടങ്ങിവച്ചു.